მულტიმედია პროექტი War Diaries

ომის დღიურები მულტიმედია პროექტია, რომელიც უკრაინელ მხატვრებს, მუსიკოსებს, მსახიობებსა და მწერლებს აერთიანებს, მისი მიზანი კი მსოფლიოსთვის უკრაინელი არტისტებისა და ქვეყნის მდგომარეობის გაცნობაა. პროექტი გააერთიანებს სხვადასხვა ტიპის სახელოვნებო აქტივობებს: გამოფენებს, მუსიკალურ პერორმანსებს, ვორქშოფებსა და გამოხატვის სხვა ნებისმიერ ფორმას. ომის დღიურების ფარგლებში ჩატარდება მუსიკისა და გალერეის კვირეული - თბილისის 11  გალერეაში გამოიფინება უკრაინელი არტისტების ნამუშევრები, გარდა ამისა, Mutant Radio უმასპინლებს როგორც უკრაინელ, ასევე ქართველ მუსიკოსებს, Danarti Magazine უკრაინელი არტისტის, ვლადა რალკოს “ლვოვის დღიურებს” წარმოგვიდგენს.

 

 

კვირეული 23-დან 30 მაისის ჩათვლით გასტანს. 23-30 მაისს სტამბას D ბლოკსა და “ეზოში” ჩატარდება ყოველთვიური მასტერკლასები უკრაინელებისთვის, მასტერკლასების ორგანიზატორები აბრეშუმის მუზეუმი, "პროპაგანდა" და სოციალური სივრცე - “ეზო” არიან.

 

 

28 მაისს ArtBeat კინდერ ალბომს, ნიკიტა კადანს, ჟანა კადიროვასა და ოსტროუსს გამოფენს, 4710 - დანილო მოვჩანს. E.A Shared Space-ში ვლადა რალკოს ნამუშევრების ნახვა იქნება შესაძლებელი, Life N Style-ში კი - დანიილ გალკინის, Window Project ქსენია გნილიცკას უმასპინძლებს.

 

 

29 მაისს  Posta & Kona და LC Queisser ტარას ბიჩკოს ნამუშევრებს წარმოგვიდგენენ, The Why Not Gallery-ში შესაძლებელი იქნება მიხაილო სკოპის გამოფენაზე დასწრება, Patara Gallery ოლექსანდრე შატოხინს უმასპინძლებს, Jibu/Taso კი - ალევტინა კახიძეს, MAUDI ვლადისლავ კრასნოშიოკის ნამუშევრებს გამოფენს, Propaganda Network-ში ნიკიტა კადანისა და ლესია ხომენკოს გამოფენასთან ერთად შედგება ვიდეოს პრეზენტაცია - “უკრაინელი ხელოვანები ცეცხლქვეშ”. 

 

 

გარდა ამისა, Mutant Radio-ში ნიკა მაჩაიძის, ტუსია ბერიძის, რეზო კიკნაძის, ანუშკა ჩხეიძის, ანტონ სლეპაკოვის და ანდრეი სოკოლოვის, Junket და ოლეჰ შპუდეიკოს მოსმენა იქნება შესაძლებელი. 

 

 

 

ფოტო: War Diaries

 

ავტორი: ლიზა ალფაიძე