თუ თბილისში ბარნოვის ქუჩას განსაკუთრებით საღამოს საათებში ხშირად სტუმრობთ ხოლმე, მწვანე ფერის ნეონებით წარმოდგენილი დასახელება - “ზილიკო” თქვენს ყურადღებას აუცილებლად მიიქცევდა. დედაქალაქი, რომელიც კეთილმოწყობილი კაფეების სიუხვით გამოირჩევა, ისეთ შთამბეჭდავ სივრცეებსაც გვთავაზობს, რომლებიც კაფეს მუშაობის ტრადიციული კონცეფციიდან უხვევს და მათი მულტიფუნქციური შესაძლებლობების წყალობით ჩვენს სასიამოვნოდ გაოცებასაც იწვევს. კაფე “ზილიკო”, რომლის ფილოსოფია თანამედროვე ეპოქის მოთხოვნებს ესადაგება, მომხმარებლებზე მაქსიმალურად მორგებულ გარემოს ქმნის და მათი კომფორტის ზონის შექმნაზე უკვე წელიწადზე მეტია ზრუნავს.
კაფე “ზილიკომ”, რომელიც საოჯახო ბიზნესს წარმოადგენს, სახელწოდება მფლობელთა ბებიის სახელის კნინობითი ფორმისდან მიიღო და ამიტომაც გასაკვირი არაა, რომ ის დადებითი აურა, რომელიც კაფეს ატმოსფეროს განუყოფელი ნაწილია, სტუმრების განწყობაზეც პოზიტიურად აისახება.
“ზილიკო” გამორჩეული კაფეა, სადაც საყვარელ ადამიანებთან ერთად თავისუფალი დროის გატარება დიდი სიამოვნების ტოლფასია და ამას არაერთი ფაქტორი განაპირობებს - კაფე ქართული ტრადიციული სამზარეულოს თანამედროვე ვერსიას გთავაზობთ და თავისი საფირმო კერძებით, რომლებიც სტუმრების ხშირი და საყვარელი არჩევანია, გაწბილებულს პრაქტიკულად ვერ დაგტოვებთ. “ზილიკო” მომხმარებლებს როგორც შიდა, ასევე გარე სივრცეებსაც სთავაზობს, რომლებიც ჯამში 100-120 პერსონაზეა გათვლილი. რადგანაც ბარნოვის ქუჩაზე მდებარე კაფე სტუმრებისათვის კომფორტის შექმნაზე მაქსიმალურადაა კონცენტრირებული, “ზილიკო” მათ დღის სხვადასხვა მონაკვეთში განსხვავებულად მასპინძლობს. თუ ”ზილიკო” დღის მეორე მონაკვეთში ძირითადად საღამოს სასიამოვნოდ გასატარებელი ადგილია, იგი დღის საათებში საქმიანი შეხვედრებისათვის ხელსაყრელ გარემოს წარმოადგენს. “ზილიკოში” შეგიძლიათ დაგეგმოთ შეხვედრები უცხოელ პარტნიორებთან, თანამშრომლებთან ან სულაც მარტო ეწვიოთ და კაფეს მშვიდი გარემოს ფონზე მნიშვნელოვანი იდეების განხორციელებაზე იფიქროთ. გაოცებას ნამდვილად არ იწვევს ფაქტი, რომ კაფე ტურისტებისათვის ერთ-ერთი გამორჩეული ადგილია და თუ ჯერ კიდევ ვერ გადაგიწყვეტიათ სად წაიყვანოთ პანდემიის შემდგომ საქართველოში საგანგებოდ ჩამოსული უცხოელი მეგობარი, თამამად შეგიძლიათ არჩევანი კაფე “ზილიკოზე” შეაჩეროთ.
თბილისში კაფე “ზილიკოს” განსაკუთრებული ცნობადობა იქ არსებული გრანდიოზული ღვინის კუთხითაცაა განპირობებული, სადაც ქართველი მცირე მეწარმეების მიერ დამზადებული ღვინოებია წარმოდგენილი. აღნიშნული კუთხე სტუმრებს ქართველი მეღვინეების პროდუქციის მრავალფეროვან არჩევანს სთავაზობს. კაფე “ზილიკო” მათ სასმელის სპეციალურ ფასად შეძენისა და თან წაღების საშუალებასაც აძლევს.
აღსანიშნავია, რომ კაფე სტუმრებს მხოლოდ გემრიელი სამზარეულოთი კი არ იზიდავს და ანებივრებს, არამედ მათ დახვეწილი დიზაინის ექსტერიერისა და ინტერიერის სივრცეებსაც სთავაზობს. თუ კაფე “ზილიკოს” ერთხელ მაინც წვევიხართ, აუცილებლად მოიხიბლებოდით იმ შთამბეჭდავი სანახაობით, თუ როგორ ბუნებრივად ერწყმის ვინტაჟური სტილი თანამედროვე ელემენტებით აღჭურვილ გარემოს. კაფეს გარე სივრცეს ბევრი მცენარე ამშვენებს, რაც განსაკუთრებით ბუნების მოყვარულ ადამიანებზე პოზიტიურ კვალს ტოვებს. “ზილიკოს” შთამბეჭდაობა მისი ლოკაციითაც არის განპირობებული, რადგან კაფე იმ უნიკალურ ადგილას მდებარეობს, რომელიც მრავალწლიან ისტორიასა და მოგონებებს ინახავს.
შეიძლება ითქვას, რომ სწორედ ამ ფაქტორების გათვალისწინებით “ზილიკოს” სამუშაო პრაქტიკა კაფეს ფუნქციონირების კლასიკურ სტილს სცდება და მისი სივრცე ბევრი მნიშვნელოვანი აქტივობისთვისაა განკუთვნილი. ამას მოწმობს ის ფაქტიც, რომ კაფე “ზილიკოს” არაერთი შემოქმედებითი გუნდი სტუმრობს რეკლამების გადასაღებად, პრეზენტაციებისა და ღონისძიებების დასაგეგმად. “ზილიკოში” ეწყობა გამოფენა-გაყიდვები და ხშირია საქველმოქმედო ხასიათის ღონისძიებებიც.აღსანიშნავია ისიც, რომ “ზილიკო” მცირე მეღვინეების პროდუქციის პოპულარიზებაში მნიშვნელოვან როლს თამაშობს, რაზეც კაფეში მათ საქმიანობასთან დაკავშირებული პრეზენტაციები და ღვინის დეგუსტაცია მეტყველებს. აღნიშნული ღონისძიების ფარგლებში “ზილიკო” მცირე მეღვინეების სასტუმრო-სახლს ერთი დღით მასპინძლობს.
სივრცის მულტიფუნქციურობაზე ისიც მეტყველებს, რომ კაფე “ზილიკოში” ვიზიტით შესაძლებლობა გაქვთ ქართველი თანამედროვე დიზაინერების კოლექციებსაც გაეცნოთ და სახლისაკენ მათი სამოსით ხელდამშვენებულმა გასწიოთ. ქართული ბრენდი “ლაბადა” “ზილიკოსთან” კოლაბორაციის ფარგლებში სტუმრებს წყალგაუმტარი ლაბადების, ნაქსოვი სამოსისა და სხვადასხვა აქსესუარების შეძენას სთავაზობს.
ამ ეტაპზე პანდემიური ვითარების გათვალისწინებით „ზილიკოს“ მუშაობა დროებით შეჩერებულია, თუმცა მას შემდეგ, რაც მსოფლიოში არსებული სიტუაცია უკეთესობისაკენ შეიცვლება, კაფე მუშაობას ისევ განაგრძობს და სტუმრებს არაერთი შთამბეჭდავი ღონისძიებით გაანებივრებს. დამატებითი ინფორმაციისათვის შეგიძლიათ ეწვიოთ კაფე „ზილიკოს“ Instagram-ისა და Facebook-ის გვერდებს. მისამართი: თბილისი, ბარნოვის 64
დაწერე კომენტარი