ლონდონში “ჩემი მეზობელი ტოტოროს” თეატრალური ადაპტაცია იდგმება

1988 წელს გამოსული სტუდია “გიბლის” ანიმაცია - “ჩემი მეზობელი ტოტორო” ლონდონში, ბარბიკანის სცენაზე შემოდგომისას გათამაშდება.

ჰაიაო მიაძაკის ანიმაციის ადაპტაციაზე დრამატურგი ტომ მორტონ სმიტი მუშაობს, მუსიკის ავტორი კი კვლავ ჯო ჰისაიში იქნება. სპექტაკლში როლებს მარიონეტები შეასრულებენ, მარიონეტებს კი ცნობილი მეთოჯინე ბეიზილ ტვისტი ამზადებს.

კომპოზიტორმა ჯო ჰიასიშიმ The Guardian-თან საუბარში განაცხადა, რომ იაპონიაში ძალიან უყვართ თეატრი, განსაკუთრებით კი მუსიკალური სპექტაკლები, თუმცა იაპონური დადგმები დანარჩენი მსოფლიოსთვის პრაქტიკულად უცხოა. როგორც კომპოზიტორი ამბობს, მისთვის განსაკუთრებით საინტერესოა “ტოტოროსთან” მიბრუნება, რადგან საშუალება ეძლევა, უნივერსალური, ყველასთვის გასაგები ისტორიით იაპონური კულტურა მთელ მსოფლიოს გააცნოს.