თუკი ინსპირაციისთვის მრავალფეროვნება გჭირდებათ ან, უბრალოდ, ფოტოგრაფებისთვის თვალის დევნება გიყვართ, მაშინ გაგაცნობთ 7 ახალგაზრდა ფოტოგრაფს, რომლებიც ფოტოგრაფიის ახალ ტალღას წარმოადგენენ და მათთვის თვალის დევნება შესაძლოა თქვენთვის საინტერესო აღმოჩნდეს.
ლესლი ჯანი
View this post on Instagram@dazed 2019AW issue @holland_vvv styling @robbiespencer makeup @xinmiao1988 hair @minghuzhanghair
ლესლი ჯანის ფოტოგრაფია ჩინური კულტურის პოეტური აღწერაა. მისი ფოტოები შთაგონებულია მისივე მოგონებებით იმის შესახებ, თუ როგორ იზრდებოდა ჩინეთში და რამხელა გავლენა აქვს მასზე აზიურ კულტურას.
“იაპონურმა ფოტოგრაფიამ ნამდვილად შექმნა საფუძველი ჩემთვის და ვფიქრობ, რომ ეს ძალიან მნიშვნელოვანია, რადგან ვცდილობ, მოდის ფოტოგრაფიის ისეთი ენა შევქმნა, რომელიც არ ტრიალებს მხოლოდ ევროპული ან ამერიკული იდეალების გარშემო”.
ზორა სიჩერი
ზორა სიჩერი ფოტოგრაფიით 13 წლიდან არის გატაცებული. თავისი ფოტოებით ის ცდილობს დაგვანახვოს, რომ სხეული არა მხოლოდ სხეულია, არამედ ბევრად უფრო მეტიც. არ არიდებს თავს ინტიმური დეტალების აღბეჭდვას, რადგან ფიქრობს, რომ ეს ჩვენი ყოფის დიდი ნაწილია. მის შემოქმედებაში ვხვდებით მექსიკელი და ნიუიორკელი ახალგაზრდების ცხოვრების სტილის ამსახველ კადრებს.
ჯოის ენჯი
ჰონ კონგში დაბადებული ჯოისი ახლა ლონდონში ცხოვრობს და მიუხედავად ამისა, მისი სიურრეალისტური ფოტოგრაფია მშობლიური კულტურის ნიშნებს მაინც არ კარგავს.
მის ფოტოებში არა მხოლოდ ადამიანები და მათი ხასიათია საინტერესოდ წარმოჩენილი, არამედ საგნები და თავად გარემოც.
ტომ ჯონსონი
View this post on Instagram@Hermes Silk with some incredible Italian Waterskiers @lookstudiosnyc @benmartinengo @minititleltd
ტომ ჯონსონი აერთიანებს პორტრეტებს, დოკუმენტურ და მოდის ფოტოგრაფიას. იგი ცდილობს შექმნას გარემო, რომლითაც ხალხს მოუყვება რაიმეს. ჯონსონისთვის ყველაზე საინტერესო მის პროფესიაში სწორედ ადამიანები არიან.
“როდესაც კამერას ვიღებ, ვგრძნობ, რომ საბაბი მაქვს ხალხთან ურთიერთობისთვის და იქ წასასვლელად, სადაც ჩვეულებრივ არ წავიდოდი.”
გრეი სორენტი
ახალგაზრდა ფოტოგრაფი გრეი სორენტი ვიზუალურ ხელოვანთა ოჯახში აღიზარდა. მისი მამა ლეგენდარული ფოტოგრაფი მარიო სორენტია. მან სადებიუტო ნამუშევარი 15 წლის ასაკში გამოაქვეყნა ჟურნალ Moodboard-ის პირველი გამოცემისთვის. გრეის ფოტოები ძირითადად, მისი და მისი მეგობრების თინეიჯერულ ცხოვრებას აღწერს. გრეის შთაგონება სწორედ მეგობრები და ოჯახია, რომელშიც გაიზარდა.
“მე არ მინდა ფოტოები გადავუღო მოდელებს, რომლებიც დგანან მოსაწყენ ტანსაცმელში. მე მინდა გადავუღო ადამიანებს საკუთარ სივრცეში და ვიგრძნო ვინ არიან ისინი.”
ამბერ პინკერტონი
იამაიკელი ამბერ პინკერტონი ახლა ლონდონში ცხოვრობს, მაგრამ ის ხშირად სტუმრობს მშობლიურ სახლს ფოტოების გადასაღებად. 2019 წელს მან იმუშავა ფოტოების სერიაზე ჟურნალ I-D-ის პროექტ My Year in Photos-ს ფარგლებში, რომელიც აღწერს იამაიკის ქუჩებს, არქიტექტურას, ხალხს და მისი თვალით დანახულ მშობლიურ მხარეს. მისი ფოტოები გამორჩეულია კონტრასტული ფერებითა და ხასიათით.
ფი გლორია გრონმეირი
ფი გლორია გრონმეირი ფრილანსერი ფოტოგრაფია, რომელიც ჯერ ნიუ-იორკიდან, შემდეგ პარიზიდან და ახლა უკვე ბერლინიდან მუშაობს. მისთვის ხშირი მოგზაურობა შთამაგონებელია და, უმეტესად, ცდილობს გამოვიდეს კომფორტის ზონიდან. მისი ნამუშევრები ხასიათდება, როგორც მელანქოლიურ, მეოცნებე, იუმორისტულ სიურრეალიზმად.
“მე ვიღებ შთაგონებას გარემოდან და შემდეგ ამით ვქმნი რაიმეს, მაგრამ ვცდილობ სხვა ეტაპზე ავიყვანო, დავამატო, სიურრეალისტური ელემენტები.”
დაწერე კომენტარი