D2naughty - Dsquared2-ის 2024 წლის გაზაფხულის კოლექცია

მაიამის სანაპიროსთან მდებარე პენტჰაუსში დინ და დენ კეიტენებმა Dsquared2-ის 2024 წლის გაზაფხულის კაცების კოლექცია - D2naughty წარადგინეს.

ახალი კოლექცია პოპკულტურის იკონოგრაფიას, 90-იანების ტანსაცმლის დიზაინის ელემენტებს, თანამედროვე სპორტული და ფორმალური სამოსის ესთეტიკას აერთიანებს.

ძმებმა კეიტენებმა ჩვენების შემდეგ აღნიშნეს, რომ გაზაფხულის კოლექცია გარკვეულწილად კონტრასტების გაერთიანებაა: სექსუალური და წესიერი… მოწესრიგებული და ვულგარული, ელიტური და სნობური”.

აღსანიშნავია, რომ Dsquared2-ის ჩვენებაში მონაწილეობდნენ მოდელები ჯულია ფოქსი, ესთერ კანადასი და ცნობილი იტალიელი პორნოვარსკვლავი როკო სიფრედი, რომლის ფილმებიდან აღებული კადრებიც ეკრანებზე მთელი ჩვენების მანძილზე დონა სამერსის Love to Love You Baby-ის ფონზე გადიოდა. 
 
ავტორი: ტატო ანთაძე 
ფოტო: Giovanni Gianonni