1984 წელს კიტ ჰარინგმა ჯონ ლენონის 9 წლის ვაჟის დაბადების დღეზე პირველი ციფრული ნახატი შექმნა. იმ საღამოს ჰარინგი ენდი უორჰოლთან, სტივ ჯობსა და კენი შარფთან ერთად იმყოფებოდა. Apple-ის შემქმნელმა სტუმრებს კომპანიის მიერ წლის დასაწყისში გამოშვებული მაკინტოშის ოპერაციულ სისტემაზე მომუშავე პერსონალური კომპიუტერი და მისი შესაძლებლობებიც აჩვენა, თუმცა არტისტმა ნამუშევრების შესრულება Amiga-ს პერსონალური კომპიუტერით დაიწყო.
შემოქმედების ციფრულ სამყაროში გადატანამ კიტ ჰარინგი პიქსელის პიონერად აქცია. ფერთა მძლავრი პალიტრა, მუქი ხაზები, მოცეკვავე და აბსტრაქტული ფიგურები ჰარინგის შემოქმედების ციფრული მხატვრობის მთავარ ნიშას წარმოადგენს, ეს დეტალები კი 80-იანი წლების დასაწყისში, მაშინ როცა ტექნოლოგიების ეპოქა ჯერ მხოლოდ დაბადების ეტაპზე იყო, ნამუშევრებს უფრო დიდ მხატვრულ მნიშვნელობას სძენს.
როგორც კიტ ჰარინგის მეგობრები აღნიშნავენ, არტისტი დროს უსწრებდა. ვებ 3 ტექნოლოგიამ მოხსნა ბარიერები მუზეუმებისა და ხელოვნების ნებისმიერი დაწესებულებისათვის და ახლა მსურველებს ნამუშევრების ნახვა ადგილზე მისვლის გარეშე ციფრულადაც შეუძლიათ. სწორედ ეს სურდა ჰარინგს - მისი ცხოვრების მთავარი მანტრა “ხელოვნება ყველასათვისაა”, წლების შემდეგ რეალობად იქცა და ტექნოლოგიების განვითარებამ საზოგადოებას მისი შემოქმედებით ტკბობის საშუალება მისცა. ნიუ-იორკის ქუჩების ხელოვნების კულტურით შთაგონებული პოპ-არტისტი საზოგადოებამ, როგორც ციფრული ხელოვნების პიონერი პირველად სწორედ აღნიშნული გამოფენისა და აუქციონის შემდეგ გაიცნო, რადგან მისი შემოქმედების ეს ასპექტი მასებისათვის ჯერ კიდევ უცნობი იყო.
ფოტო: Christie’s,The Vinyl Factory
დაწერე კომენტარი