20 სექტემბრიდან 26 ოქტომბრამდე მილანში მდებარე Oxilia Gallery ქართველი არქიტექტორის, ნანა ზაალიშვილის სოლო გამოფენას - Element-ს უმასპინძლებს. გამოფენის ფარგლებში თავად არქიტექტორის მიერ შერჩეული ქვითა და ხით შესრულებული 7 ნამუშევარი იქნება წარმოდგენილი:
Element Console in Tearraonyx Stone;
Element 3-Seater Bench in Chestnut Wood;
Element Side Table in Georgian Red Marble;
Element Shelf in Century Old Oak Wood;
Element Black Chair in Century Old Oak Wood;
Brick Candle holders Burnt Pine Wood;
Brick Wall Lamp in Onyx and Brass.
ნანა ზაალიშვილის Element-ის ნამუშევრები ქართული ტრადიციული ოდა სახლისა და არქიტექტორ გიორგი ჩახავას გამოგონების, “სამშენებლო ელემენტის” შთაგონებით შეიქმნა. 2017 წელს მის მიერ გამოცემულ წიგნზე - “ავტობუსის საბჭოთა გაჩერებები საქართველოში” მუშაობისას ნანამ ყურადღება გაამახვილა გიორგი ჩახავას მიერ გამოგონებულ ბეტონის ელემენტებზე და Element-ის კოლექციით მისი ფორმის მსგავსი კონსტრუქციები წარმოადგინა. თუმცა, მათი მოქნილობისა და ფუნქციური თავისუფლებისათვის აღნიშნული კონსტრუქციები სტრუქტურას მარტივად იცვლის.
დაწერე კომენტარი