სახვითი ხელოვნების მუზეუმში Banksy-ის გამოფენა, სახელწოდებით Banksy: Birth of an Icon, 18 ოქტომბერს გაიხსნება და 4 თვის განმავლობაში გაგრძელდება. კურატორ სტივ ლაზარიდისის თქმით, დამთვალიერებლები შეძლებენ გაეცნონ ცნობილი არტისტის კარიერის ყველაზე საინტერესო და ცნობილ ნამუშევრებს:
“ეს კონკრეტული მოგზაურობა Banksy-ისთან ერთად მუშაობის 11 წელიწადს ეხება, როცა მე მისი ფოტოგრაფი, დოკუმენტალისტი, მძღოლი, აგენტი მენეჯერი და ყველაფერი ვიყავი… ამ გამოფენაზე ნახავთ Banksy-ის მიერ გავლილ სრულ გზას.”
ბრიტანელი არტისტის ნამუშევრების გარდა გამოფენაზე სტივ ლაზარიდისის დოკუმენტური ფოტოებიც იქნება წარმოდგენილი, რომელიც დამთვალიერებელს ერთგვარ პერსპექტივას შეუქმნის.
დაწერე კომენტარი