ზაფხულის მერე შემორჩენილ თბილ დღეებს ნელ-ნელა ვემშვიდობებით და შემოდგომის სუსხიანი ამინდებისათვის მომზადებას უფრო აქტიურად ვიწყებთ. ეს პროცესი კი პირველ რიგში გარდერობისათვის ხელის შევლებითა და მისი განახლებით იწყება. ამ საქმის გასამარტივებლად კი Hammock წარმოგიდგენთ ოქტომბრის შოპინგ-რეკომენდაციებს, თუ სად შეძლებთ საშემოდგომოდ კომფორტული, საინტერესო და ამავდროულად, საჭირო სამოსისა და აქსესუარების შეძენას.
ოქტომბერი ზამთრის სუსხიან დღეებთან ნელ-ნელა გვაახლოებს, ამიტომ წვიმიანი და გრილი ამინდებისათვის ე.წ. თრენჩის შეძენა საჭირო და აუცილებელია. ქართული ბრენდი Ingorokva 2023 წლის შემოდგომა-ზამთრის კოლექციიდან საშემოდგომო ქურთუკის შესანიშნავ არჩევანს გვთავაზობს.
Screenshot 2023-10-11 at 14.52.37.png4.23 MBThe Trap თბილისში მდებარე ახალი ბუტიკ-მაღაზიაა, რომელიც ბელა ჰადიდის დიზაინით შექმნილ 100%-ით ავთენტური ნივთების მრავალფეროვან და ამავდროულად, საინტერესო არჩევანს გვთავაზობს.
Screenshot 2023-10-11 at 15.02.28.png1.53 MBცოტა ხნის წინ ბრიტანულმა მაღალი კლასის ქურთუკების ბრენდმა Barbour - მა ფრანგულ ბრენდთან Maison Kitsuné - სთან კოლაბორაცია წარმოადგინა, რომლის ფარგლებშიც მოდის სახლებმა ready-to-wear ხაზის შემოდგომა-ზამთრის კოლექცია ჩაუშვეს გაყიდვაში. აღნიშნული კოლაბორაციიდან ჩვენი სიისათვის ფერადი კუბებით გაფორმებული ქურთუკი შევარჩიეთ, რომელსაც ფრანგული ბრენდის ამოქარგული ლოგო ამშვენებს.
80 - 90-იანი წლების სტილის ნოსტალგია 2014 წელს შექმნილი ფრანგული ბრენდის, Drôle de Monsieur-ის ნიშაა. ბრენდი ready-to-wear ხაზის unisex სამოსსა და აქსესუარებს აწარმოებს, რომელთა გამორჩევაც სხვა სამოსისა თუ ბრენდებისაგან მხოლოდ ერთი წარწერით - NOT FROM PARIS MADAMDE მარტივად არის შესაძლებელი. ამჯერად ჩვენი რეკომენდაციების სიაში Drôle de Monsieur-ის პოლო მაისურს გთავაზობთ, რომელიც შემოდგომის გრილი დღეებისათვის კომფორტული არჩევანია.
JW-Anderson-Yellow-Michael-Clark-Edition-Hoodie-20230920032500.jpeg68.33 KBJW Anderson - ის 2023 წლის შემოდგომა/ზამთრის კოლექციისათვის ჯონათან ანდერსონმა შოტლანდიელ მოცეკვავესა და ქორეოგრაფთან, მაიკლ კლაკრთან, ითანამშრომლა. კაფსულა კოლექცია კლარკისა და ანდერსონის სტილსა და შემოქმედებას აერთიანებს. ოქტომბრის თვის შოპინგ-რეკომენდაციების სიაში დიზაინერისა და მოცეკვავის კოლაბორაციით შექმნილ ჰუდს გთავაზობთ.
lm00803kt1095-m191_11.jpeg364.44 KBოქტომბრის თვის გარდერობის მომზადებისას თბილი, ნაქსოვი სვიტერი აუცილებელი ატრიბუტია. ამჯერად, Maison Kitsuné - ს ბამბის სვიტერს წარმოგიდგენთ, რომელიც ცივ და სუსხიან დღეებში სამოსის ორიგინალურობის შესანარჩუნებლად იდეალური არჩევანია.
იტალიური საკულტო ბრენდის, Versace - ს, ხაზი VERSACE JEANS COUTURE ყოველდღიური სამოსის საინტერესო და მრავალფეროვან არჩევანს წარმოადგენს. ბრენდის გრაფიტის დიზაინით გაფორმებული ბეჟი ფერის ბოდი შემოდგომის რეკომენდაციების სიის კიდევ ერთი საინტერესო აღმოჩენაა.
მიუხედავად იმისა, რომ ზამთრის მოახლოებასთნ ერთად ტემპერატურა სულ უფრო მეტად იკლებს, ოქტომბრის შოპინგ-რეკომენდაციების სიის კიდევ ერთი აუცილებელი კომპონენტი კაბაა, რომელიც MM6 MAISON MARGIELA - ს ახალი კოლექციიდან შევარჩიეთ.
SITUATIONIST-SS23-LOOK-BOOK-BY-DAVIT-GIORGADZE-LOOK-020-1639x2048.jpeg611.15 KBმას შემდეგ, რაც თანამედროვე პოპის ერთ-ერთმა ყველაზე კაშკაშა ვარსკვლავმა, Béyonce-მ Renaissance-ს მსოფლიო ტურნეს ფარგლებში ქართული ბრენდის, Situationist-ის სამოსი მოირგო, ირაკლი რუსაძის მიერ თბილისში დაფუძნებული ბრენდი მოდის საერთაშორისო რუკაზე გამოჩნდა. Ჩვენი შოპინგ-რეკომენდაციების სიისათვის Situationist-ის ვეგანური, ეკო-ტყავის ქვედაკაბა შევარჩიეთ, რომელიც ამ სეზონზე აქტუალურთან ერთად ელეგანტური და დახვეწილია.
Screenshot 2023-10-12 at 12.06.17.png659.43 KBგადამუშავებული ჯინსისა და შავი პრიალა პოლიესტერისაგან დამზადებული ჩანთა გარემოს დაცვასთან ერთად სამოსის გამდიდრებასა და გამრავალფეროვნებას იდეალურად ახერხებს. Silfen Studio - ს ახალი ჩანთის მოდელი, რომელიც 2000-იანების სტილით არის შთაგონებული ჩვენი სიის კიდევ ერთი საინტერესო აღმოჩენაა.
21639215_51625084_1000.jpeg74.19 KBოქტომბრის შოპინგის რეკომენდაციების სიაში Maison Kitsuné - ს კიდევ ერთი ნივთი, ბრენდის ლოგოთი გაფორმებული ჩანთაც მოხვდა.
marine-serre-black-all-over-moon-boots.jpeg358.8 KBჩვენი სიისთვის კიდევ ერთი ფრანგული ბრენდის, Marine Serre-ს უკვე კულტად ქცეული ნახევარმთვარის ორნამენტებით გაფორმებული ჩექმა შევარჩიეთ, რომელიც შემოდგომის სეზონზე, წვიმიან და ცივ ამინდსა და პირობებში იდეალური არჩევანია.
ezgif-2-9766a04a1a.jpeg323.83 KBCarhartt WIP და New Balance 990v1 - ის შემდეგ, ამჯერად ახალი მოდელის 990v6 - ის შესაქმნელად გაერთიანდა. ორი ბრენდის კოლაბორაციის შედეგად განახლებულ New Balance - ის 990v6 მოდელს "Sculpture Center” ეწოდა. ფეხსაცმლის სტილი ნებისმიერ მოთხოვნას აკმაყოფილებს - იდეალურია, როგორც ყოველდღიური გამოყენებისათვის, ისე სეირნობისა თუ სხვა სახის აქტივობებისათვის.
Screenshot 2023-10-11 at 14.52.50.png2.39 MBThe Trap - ის ახალი ბუტიკ მაღაზიიდან კიდევ ერთი აქსესუარი შევარჩიეთ. ჩვენს რეკომენდაციების სიაში ბერეტის სტილის ქუდს წარმოგიდგენთ, რომელიც როგორც ყველა სხვა დანარჩენი ნივთი, ტოპ-მოდელ ბელა ჰადიდის დიზაინით არის შექმნილი.
ezgif-1-4fc572a12d.jpeg29.01 KBსათვალე ნებისმიერი სეზონის განუყოფელი ნაწილია, ავსტრალიური ბრენდის Le Specs - ის ყავისფერი შეფერილობის მზის სათვალე იდეალური არჩევანია.
ezgif-5-c1bc410118.jpeg324.51 KBსიის ბოლოს, კიდევ ერთ საჭირო ყოველდღიურ აქსესუარს - ბრელოკს წარმოგიდგენთ, რომელიც Carhartt WIP - ის 100% - ით გადამუშავებული კოლექციიდან შევარჩიეთ.
დაწერე კომენტარი