Music Belongs to Everyone - კამპანია, რომელსაც მსოფლიო გადახდების ლიდერი კომპანია Visa საქართველოში მუსიკალური ინდუსტრიის მხარდასაჭერად და კულტურული მემკვიდრეობის დაცვისთვის უკვე დიდი ხანია ახორციელებს, კვლავაც გრძელდება. Visa-ს მხარდაჭერით საქართველოს სხვადასხვა რეგიონში ყოველწლიურად იმართება მსმენელისათვის უკვე კარგად ნაცნობი და საყვარელი ფესტივალები, როგორებიცაა: შავი ზღვის ჯაზფესტივალი, სადაც ყოველ ზაფხულს ზღვისპირა ქალაქში მსმენელის წინაშე მსოფლიო დონის ჯაზის ვარსკვლავები უკრავენ, თბილისის ჯაზფესტივალი, თავისი 25-წლიანი უნიკალური ისტორიით, წინანდალში გამართული კლასიკური მუსიკის და Jazz and Wine-ის ფესტივალი, რომელიც ადგილობრივი ღვინის კულტურისა და ჯაზის ერთმანეთთან დაახლოებით სრულიად უნიკალურ გამოცდილებას ქმნის.
Asset [email protected]58.39 KBგარდა ამ მასშტაბური ფესტივალებისა, Visa მხარს უჭერს ახალგაზრდა მუსიკოსების შემოქმედებასაც. სწორედ Visa-ს მხარდაჭერით გაიმართა მუსიკოს ალექსანდრე კორძაიას პროექტი Kordz x Sakamoto, ასევე 2014 წელს დაარსებული ქართული როკ-ჯგუფის, Bedford Falls-ის კონცერტი და ტურნე ბერლინში, ჰამბურგში, რიგაში, ვილნიუსსა და ტალინში.
სწორედ ამ გამოცდილებებზე დაყრდნობით, Visa მხარს უჭერს მუსიკალურ ინდუსტრიაში ისეთი პლატფორმის ჩამოყალიბებას, რომელიც ხელოვანებს საშუალებას მისცემს მათი შემოქმედება კიდევ უფრო ფართო საზოგადოებას გააცნონ. ამიტომაც, Hammock Magazine-თან თანამშრომლობით შექმნილი ვიდეორგოლების სერიის მეშვეობით ჩვენი ჟურნალის მკითხველი კიდევ უფრო ახლოს გაიცნობს თანამედროვე ქართველ მუსიკოსებსა და შემსრულებლებს, მათ, ვინც დღეს ამ ინდუსტრიის მნიშვნელოვან ნაწილს წარმოადგენენ.
DSCF3787.jpg223.92 KBამასთან ერთად, მკითხველს საშუალება ექნება მოისმინოს ისტორიები იმ პატარა ნაბიჯების შესახებ, რომლებმაც მათთვის საყვარელი არტისტები წარმატების დიდ გზაზე დააყენა. ჩვენი პირველი გმირი ალექსანდრე კორძაია, იგივე Kordz-ია, რომელიც ჩვენს ერთობლივ პროექტში საკუთარი იდეების, შემოქმედებითი პროცესის და 11 ნოემბერს როტერდამში გასამართი Kordz x Sakamoto-ს პროექტის შესახებ საუბრობს.
დაწერე კომენტარი