თბილისის კინოეკრანებზე 18 იანვარს ნანა ჯორჯაძის ახალი დრამა - ,,პეპლების იძულებითი მიგრაცია” გამოჩნდა. საქართველოში გადაღებული ფილმი რთული სოციალური და მატერიალური რეალობის პირისპირ მდგარ ხელოვანებს ეხება და შემოქმედი ადამიანის კომპრომისებით სავსე ცხოვრებაზე, სევდიან სიყვარულსა და დაუფასებელ შემოქმედებაზე მოგვითხრობს. 

ფილ­მის სცე­ნა­რი თა­მარ ბარ­თა­ი­ასა და ნა­ნა ჯორჯაძის ერ­თობ­ლი­ვი ნა­მუ­შე­ვა­რია, მუ­სი­კა კი კომ­პო­ზი­ტორ დათო ევ­გე­ნი­ძეს ეკუთ­ვნის.

ფილმში მთავარ როლს ქართველი მსახიობები - რატი ერაძე და თაკო (თამარ) ტაბატაძე ასრულებენ, ასევე შეხვდებით მსახიობებს - ნათია ნიკოლაიშვილს, ანა ქურთუბაძეს, თამარ ბზიავას, გიორგი ცაგარელსა და ბუბა ჯორჯაძეს. 

ერთ-ერთი ყველაზე წარმატებული ქართველი კინორეჟისორი - ნანა ჯორჯაძე კინემატოგრაფში 1977 წლიდან მოღვაწეობს და პირველი ქართველი შემოქმედია, რომლის ნამუშევარი 1996 წელს ოსკარზე საუკეთესო ფილმის ნომინანტი გახდა.