ზაფხული აღმოჩენებისა და ახალი, დაუვიწყარი თავგადასავლების სეზონია, რომელსაც განსაკუთრებული ხალისითა და მათთვის დამახასიათებელი განწყობით ხვდებიან ბავშვები. სწორედ ამიტომ, ზაფხულის გასალამაზებლად და ბავშვთა სამყაროს კიდევ უფრო გასაფერადებლად სეზონის შესაბამისი ნივთები დიდი ყურადღებით უნდა შევარჩიოთ, გარდა სილამაზისა და ვიზუალური დახვეწილობისა, აუცილებელია თითოეული ნივთი მაქსიმალური ხარისხითა და კომფორტით გამოირჩეოდეს. გიზიარებთ ზაფხულის მზიანი დღეებისთვის საჭირო ნივთებს, რომლებიც არდადეგებს კიდევ უფრო დასამახსოვრებელს გახდის და გამორჩეულად მოუხდება ბავშვებისა და მოზარდების ჯადოსნურ, ფერად სამყაროს.

საზაფხულო სამოსი

ტილოს ორეულები, ჰაეროვანი კაბები, შორტები, პერანგები და გრილი ჟაკეტები - ყველაფერს ზაფხულის ცხელი დღეებისა და თბილი საღამოებისთვის Tartine et Chocolat შემოგთავაზებთ, რომელსაც თითქმის 50-წლიანი ისტორია აქვს. ფრანგული მოდის სახლი 1977 წლიდან ბავშვებისა და მოზარდებისთვის დეტალებზე ორიენტირებულ უმაღლესი ხარისხის სამოსს ქმნის. ნატურალური, ეკოლოგიურად სუფთა ქსოვილებისგან შექმნილი სამოსი იდეალურია ზაფხულისთვის, ბრენდი მაქსიმალურ კომფორტსა და სიმსუბუქეზეა ორიენტირებული. Tartine et Chocolat-ის მხიარულ, ლამაზ და დასამახსოვრებელ სამოსს ხელით ნაქარგი დეტალები აფორმებს, ისინი როგორც ყოველდღიური, ისე განსაკუთრებული მომენტებისთვის იქმნება და დეტალებითაც გამორჩეულია. 


დახვეწილი და ფერადი საცურაო კოსტიუმები

2001 წელს დაარსებული ფრანგული საბავშვო ბრენდი - Bonton კოლექციას გამორჩეული დეტალებით, სახასიათო ვიზუალითა და ფერადი, მრავალფეროვანი პრინტებით აწარმოებს. Bonton-ის საცურაო კოსტიუმები კომფორტით, მაღალი ხარისხითა და სილამაზით გამოირჩევა, ის ფრანგულ დახვეწილობასა და UV დაცვას აერთიანებს, რაც ძალიან მნიშვნელოვანია ბავშვების უსაფრთხოებისთვის. Bonton-ის საცურაო კოსტიუმებზე ამ ეტაპზე 50%-იანი ფასდაკლებით ისარგებლებთ და მათ 94.50 ლარად შეიძენთ. საცურაო კოსტიუმებს შეგიძლიათ Bonton-ის სხვადასხვა გამოსახულების მქონე სახალისო და ლამაზი წყლის კამერები შეუხამოთ. 

სანაპიროს სათამაშოები 

ბელგიური წარმოშობის სათამაშოების ბრენდი, სახელწოდებით Quut, 2012 წელს დაარსდა და მას შემდეგ გამძლე, მრავალფუნქციურ და ეკოლოგიურად სუფთა სათამაშოებს აწარმოებს. ბრენდის პროდუქცია ძალიან მრავალფეროვანია, შეხვდებით როგორც პლაჟის, ისე აბაზანისა და გარე თამაშებისთვის განკუთვნილ ძალიან ბევრ, სხვადასხვა სტილის, ფორმისა და ფერის სათამაშოს. თითოეული სათამაშო  მაღალი ხარისხითა და გამძლეობით გამოირჩევა, რის გამოც ისინი ბავშვებისთვის მრავალი ზაფხულის განუყოფელი ნაწილი ხდება.

4a0c9bfe-efd6-4500-a544-a3aa8c5e9e71.jpeg 407.6 KB
კიდევ ერთი ბრენდი, რომელიც ბავშვებისთვის ჯადოსნური განწყობის შექმნასა და ყოველდღიური მომენტების დაუვიწყარ თავგადასავლებად გადაქცევას ისახავს მიზნად, ავსტრალიური Sunnylife Kids-ია, თავისი მხიარული, ნათელი და ფერადი კოლექციებით. Sunnylife Kids-ის კოლექციებიდან ზაფხულს განსაკუთრებულად უხდება სანაპიროს სათამაშოები, აუზისთვის საჭირო ნივთები, გარე თამაშებისა და წვეულების აქსესუარები. Quut-ის სათამაშოებს 49 ლარიდან, SunnyLife-ის კი 149 ლარიდან შეიძენთ.

მზის სათვალეები 

ზაფხულისა და მზიანი დღეების მუდმივი მთავარი აქსესუარი მზის სათვალეებია, სწორედ ამიტომ გირჩევთ Olivio&Co-ს დახვეწილი დიზაინის, ტრენდული და კლასიკური სტილის, მაღალი ხარისხის მასალებით დამზადებული მზის სათვალეები შეიძინოთ. ბავშვებისთვის განკუთვნილი სათვალეები 100%-იან UV დაცვას, უსაფრთხოებასა და კომფორტს უზრუნველყოფს. სათვალეების დიზაინი ხმელთაშუა ზღვის ატმოსფეროს შთაგონებით იქმნება და ისინი მრავალფეროვანი ფერთა პალიტრითაც გამოირჩევა. Olivio&Co-ს მზის სათვალეების ფასი 149 ლარია.

საზაფხულო ტრანსპორტი 

თუკი საზაფხულო თავგადასავლებისთვის  ველოსიპედებს, სკუტერებსა და ჩაფხუტებს ეძებთ, ამისათვის იდეალური ვარიანტია ბერლინში დაფუძნებული ბრენდის - Banwood-ის პროდუქცია. ბრენდი მომხმარებელს უსაფრთხო და მაღალი ხარისხის ნივთებს და აქსესუარებს სთავაზობს, თითოეულ მათგანს რეტრო, ვინტაჟური სტილი და სკანდინავიური მინიმალიზმი გამოარჩევს, რის გამოც ნივთები ერთდროულად როგორც ვიზუალურად დახვეწილი და ლამაზი, ისე კომფორტული და ხარისხიანია. საზაფხულო ტრანსპორტს შორის გამორჩეულია Banwood-ის Balance Bike, რომელსაც 449 ლარად შეიძენთ. 


474003368_122204258492207020_5027162703405110529_n.jpg 358.7 KB
ყველა ამ ზაფხულისთვის საჭირო ნივთს, ექსკლუზიური ბრენდებით Tartine et Chocolat-ის მაღაზიაში შეიძენთ, რომელიც ჭავჭავაძის გამზირის 50-ში მდებარეობს. Tartine et Chocolat თბილისში 2024 წელს გაიხსნა და მას შემდეგ, მომხმარებლებს მრავალფეროვან არჩევანსა და განსაკუთრებულ კოლექციებს სთავაზობს. მაღაზიაში შეხვდებით სხვადასხვა ბრენდის, ხარისხით, ქსოვილებით და დიზაინით გამორჩეულ ნივთებს, რომლებიც დეტალებზე მაქსიმალური ორიენტირებით იქმნება. Tartine et Chocolat-ის მაღაზიაში წარმოდგენილი თითოეული ბრენდი ისეთ სამოსსა და ნივთებს აწარმოებს, რომლებიც გამორჩეულად უხდება ბავშვებისა და მოზარდების მხიარულ განწყობას და ამასთან ხელმისაწვდომიცაა.