მაუმი მიუავაკი იაპონელი არქიტექტორია.1960-70-იან წლებში არქიტექტორმა ისტორიული იაპონური სოფლები შეისწავლა, რის შემდეგაც მან ეს ინფორმაცია საკუთარ ნამუშევრებში გამოიყენა.


1971 წელს მიუავაკიმ ავანტ-გარდული, მეტაბოლისტების საპირისპირო ჯგუფი ARCHITEXT ჩამოაყალიბა, სადაც ახალგაზრდა იაპონელი არქიტექტორები აიდა ტაკეფუმი, აზუმა ტაკამიცუ, სუზუკი მაკატო და ტაკეიამა მინორუ გაერთიანდნენ. ეს ჯგუფი ასევე ცნობილი იყო “პოპ-არქიტექტურის”, თანდაცვის არქიტექტურის (Defensive architecture), გამქრალი არქიტექტურის (Vanishing architecture) და სიჩუმის არქიტექტურის პოპულარიზაციით. ხშირად მათ ტადაო ანდოს წინამორბედებად მოიხსენიებენ.


კონკრეტულად მიუავაკის დიზაინი 70-იან წლებში ეფუძნებოდა პირველადი არქიტექტურის თეორიას და მათი დამახასიათებელი ნიშნები კუბური ფორმების მანიპულაცია, მკვეთრი ფერები, საინტერესო ფორმის ფანჯრები და თბილი ინტერიერები იყო. ამის მაგალითია Blue Box-იც, რომელიც 1971 წლის ნამუშევარია და ტოკიოში მდებარეობს.


Blue Box-ის ექსტერიერი, როგორც სათაური მიგვითითებს, ლურჯი ფერისაა და არქიტექტორის ამ დროის სტილის ამსახველია. შენობას ერთ მხარეს კონსოლის ტიპის დანამატი აქვს, რომელიც საშუალებას აძლევს ბამბუკს მასში გაიზარდოს. დღეს ბამბუკის მაგივრად აქ დიდი გრაფიტია.