დევიდ ჰოკნის ნამუშევრები გეი სიყვარულის შესახებ

დეივიდ ჰოკნის შემოქმედებაში გამორჩეული ადგილი უკავია მის ჩანახატებს, რომლებიც მხატვარმა ბერძენ-ეგვიპტელი მწერლის, კონსტანტინე პ. კავაფის გეი სასიყვარულო ურთიერთობებზე დაწერილი ლექსებისთვის შექმნა. 

ჰოკნი კავაფის ლექსებით იმდენად მოიხიბლა, რომ 1966 წელს ის შთაგონებისთვის ალექსანდრიას და ბეირუთსაც ეწვია, სადაც პოეტი მოღვაწეობდა. ჰოკნიმ აღნიშნული ნამუშევრები მაშინ შექმნა, როცა ინგლისში ჰომოსექსუალობა ჯერ კიდევ არალეგალური იყო.  

ჰოკნის ნახატების ეს სერია, რომელიც ამჟამად Musee Granet-შია გამოფენილი, შთაგონების და მოტივაციის წყარო იყო ბევრისთვის, ვინც დისკრიმინაციული კანონების გამო საკუთარ იდენტობას მალავდა.