მსოფლიოში სახელგანთქმული გრაფიკული დიზაინერი სტეფან ზაგმაისტერი საკუთარ ინსტაგრამგვერდზე ქართველი დიზაინერის - თენგიზ ბეგოიძის ნამუშევარს აქვეყნებს, რომელმაც საკულტო კოკა-კოლას ბოთლი ქართული დოქის ფორმებთან შერწყმით, განსხვავებული ინტერპრეტაციით წარმოადგინა.
ნამუშევარს დიდი ქართული ასოებით, კოკა-კოლას შეფუთვის დამახასიათებელი შრიფტით აწერია - "კოკა", რაც ქართულ დოქს ნიშნავს. 2021 წელს თენგიზ ბეგოიძის მიერ შექმნილი ესკიზის 3D მოდელი გიორგი პატარკაცაშვილს ეკუთვნის.
სტეფან ზაგმაისტერი ინსტაგრამგვერდზე წერს: ‘’თენგიზ, როგორც წესი, კოკა-კოლას ადაპტაციები განსაკუთრებით არ მიყვარს, მაგრამ მიმაჩნია, რომ თქვენ ამ ორი საკულტო ფორმის ერთმანეთთან შერწყმა კარგად გამოგივიდათ, რაც ძალიან მომწონს.’’
ფოტოს წყარო: Stefan Sagmeister, Tengiz Begoidze
დაწერე კომენტარი