Skims და Dolce & Gabbana ახალ, ერთობლივ კამპანიას წარმოადგენენ, რომლის ფარგლებშიც ფოტოგრაფმა ნადია ლი კოენმა კამპანიის მთავარი სახე, Skims-ის დამფუძნებელი კიმ კარდაშიანი აღბეჭდა. თანამშრომლობის ფარგლებში შეიქმნა კოლექცია, რომელიც აერთიანებს Dolce & Gabbana-ს იტალიურ ხასიათსა და ესთეტიკას და Skims-ის კომფორტსა და პრაქტიკულობას.
„ჩემს მეგობრებთან, დომენიკოსა და სტეფანოსთან თანამშრომლობა Dolce & Gabbana-სა და Skims-ის სპეციალურ კოლექციაზე ჩემთვის დიდი პატივია, - აღნიშნა კიმ კარდაშიანმა, - ჩვენ ავიღეთ Dolce & Gabbana-ს კლასიკური სილუეტები, ლეოპარდის პრინტები და შევქმენით ახალი დიზაინის სამოსი, მაქსიმალური კომფორტით, რითაც ცნობილია Skims. ეს ნამდვილად საკულტო პარტნიორობაა, რომლის გაზიარებაც ძალიან მიხარია”. Dolce & Gabbana x Skims კოლექცია ხელმისაწვდომი იქნება 19 ნოემბრიდან Skims-ის ვებგვერდზე, მის მაღაზიებში და Dolce & Gabbana-ს შერჩეულ ბუტიკებში.
ფოტოს წყარო: Skims, Nadia Lee Cohen
დაწერე კომენტარი