2000-იანი წლების ქართული დამოუკიდებელი მუსიკის ერთ-ერთი ყველაზე ცნობილი კოლექტივის, იკონური ქართული ბენდის, Kung Fu Junkie-ის ფირფიტა "ქართული მუსიკალური მემკვიდრეობის" ფარგლებში გამოიცა. ფირფიტა Kung Fu Junkie-ის ალბომს “Dance or Die: Undersky Gnostic Pop” წარმოადგენს და „ქართული მუსიკალური მემკვიდრეობის” საიუბილეო, მე-10 გამოცემაა, რომელიც ორმაგ ფირფიტაზე 4 სექტემბერს გამოვიდა და მისი პრეზენტაცია Mutant Radio-ს სივრცეში გაიმართა. “ქართული მუსიკალური მემკვიდრეობა” მიზნად ისახავს დამოუკიდებელ საქართველოში შექმნილ მუსიკას ახალი სიცოცხლე შესძინოს და ისინი ფირფიტებზე გადაიტანოს. ამგვარად პროექტი განსაკუთრებული მუსიკალური თუ კულტურული მნიშვნელობის ალბომებს აცოცხლებს.
დაწერე კომენტარი