Music Cookz - ახალი მუსიკალური პლატფორმა და L’Impératrice-ის ღონისძიება საქართველოში

ფრანგული დისკო-პოპის ლეგენდარული ბენდი L’Impératrice 6 სექტემბერს საქართველოს ეწვევა და პარიზულ რეტრო-ფუტურიზმს თბილისში, District 4-ის სცენაზე გააცოცხლებს. L’Impératrice-ის დასამახსოვრებელი შოუ სადებიუტო იქნება ახალი ქართული მუსიკალური პლატფორმა Music Cookz-ისთვის, რომლის მიზანია ქვეყანაში მუსიკალური კულტურა გააღვიძოს, ახალგაზრდა თაობას მსოფლიო სცენის ყველაზე აქტუალური არტისტები გააცნოს და ძლიერი, ემოციური მუხტით მუსიკის მოყვარულებს სრულიად ახალი გამოცდილება შესთავაზოს.

Music Cookz კონკრეტული შემსრულებლების იდენტობაზე მორგებული ფორმატით გვევლინება, რომლის მიხედვითაც თითოეული შოუს ხასიათი, ვიზუალური კომუნიკაცია, დიზაინი, გემო, საუნდი და მერჩენდაიზი არტისტის პერსონალურ სტილსა და კულინარიულ გემოვნებას ეფუძნება. სწორედ ეს ორიგინალური და გამორჩეული კონცეფცია  ყველა ღონისძიებას უნიკალურობასა და ინდივიდუალიზმს მიანიჭებს. Music Cookz-ის პროექტისა და თითოეული შოუს დაგეგმვის მიღმა კრეატიული სააგენტო დგას, რომელიც პირველად საქართველოში ქმნის სიღრმისეულ კოლაბორაციას გასართობ ინდუსტრიასთან, შოუები არა მხოლოდ მუსიკალურად, არამედ კულტურულადაც რელევანტური იქნება ახალგაზრდა აუდიტორიისთვის, რომელთა გამოცდილება Music Cookz-ის ესთეტიკის ერთ-ერთი განმსაზღვრელი ფაქტორია. 

იმის გამო, რომ Music Cookz საერთაშორისოდ აღიარებულ არტისტებთან თანამშრომლობს, პლატფორმის მიზანი იყო შედარებით დიდი და მოქნილი ადგილის შეუზღუდავად და თავისუფლად ათვისება, რომელიც გააერთიანებდა მრავალფეროვან შიდა და გარე სივრცეებს. ამგვარად, Music Cookz-ის შოუების სერიას რადიო ქალაქის მულტიფუნქციური სივრცე, კონკრეტულად District 4 უმასპინძლებს, რომელიც თავისი დამახასიათებელი ესთეტიკითა და ატმოსფეროთი, დიზაინის დეტალებითა და სივრცის მოქნილობით პლატფორმის კონცეფციასთან იდეალურ ჰარმონიაშია და მათ შესაძლებლობას აძლევს განსაკუთრებული მუსიკალური ღონისძიებები გამართონ. 

6 სექტემბერს ეფექტური შოუებით განთქმული პარიზული ბენდი L’imperatrice ისეთ ცნობილი სცენებისა და ფესტივალებისა შემდეგ, როგორებიცაა - Coachella, Primavera Sound და Outside Land, საქართველოს ესტუმრება. ქართველი მსმენელის წინაშე ჯგუფი 2024 წლის ალბომით Pulsar-ით წარსდგება, რომელიც ბენდისთვის დამახასიათებელი ფანკის, ფრანგული დისკოსა და დიფ ჰაუსის ელემენტებს აერთიანებს. როგორც Music Cookz-ის გუნდი გვპირდება, მათი პირველი ღონისძიება განსაკუთრებული, ფუტურისტული დიზაინითა და მკვეთრი დეკორაციებით იქნება გამორჩეული და ეს არა მხოლოდ მუსიკალური საღამო, არამედ შთამბეჭდავი შოუ იქნება, რომელიც უამრავ დადებით ემოციას - ბგერებისა და ვიზუალების ფეიერვერკს შემოგვთავაზებს და დაუვიწყარ მუსიკალურ მოგონებებს დაგვიტოვებს.