საუკეთესო პაჩები თვალის ქვეშ მუქი წრეების გასაქრობად

დილის რუტინაში თვალის პაჩები  უპეებს სიშავისა და მის გარშემო წვრილი ნაოჭების წარმოქმნისაგან იცავს. თუ ღამით უძილობა, დღის განმავლობაში კი დამღლელი სამუშაო გრაფიკი დასვენების საშუალებას არ გაძლევთ, პირველ რიგში ეს ყველაფერი თვალებსა და მის გარშემო უპეებზე აისახება. თუმცა, გამოუძინებლობასა და ცხოვრების სწრაფ ტემპთან ერთად თვალების ჩასიებას გარემოს დაბინძურება, ცხელი ჰავა, არასწორი გზით მაკიაჟის მოშორება და მძიმე, კანის ტიპთან შეუსაბამო კრემებიც იწვევს. ამ ყველაფერთან  ბრძოლის მთავარი იარაღი კი სწორედ თვალის პაჩებია, რომელიც ძირითადად ისეთ აქტიურ ინგრედიენტებს შეიცავს, როგორიც არის კოფეინი და ჰიალურონის მჟავა. Შრატებით გაჟღენთილი გელის ან ნაჭრის სახით წარმოდგენილი თვალის ნიღბები მიზანმიმართულია სახის ამ არეალის სიჯანსაღისა და გაუმჯობესებისაკენ. თუმცა, მიუხედავად მისი სასარგებლო თვისებებისა, დერმატოლოგების რჩევით, ყოველდღიურად თვალის პაჩების გამოყენება მიზანშეწონილი არ არის. სასურველი შედეგის მისაღწევად კი გაგაცნობთ თვალის 10 საუკეთესო ნიღაბს, რომლებიც ნებისმიერ სიტუაციაში თქვენს თვალის უპეებს სიმშვიდისა და სიჯანსაღის იერს დაუბრუნებს.

111Skin Celestial Black Diamond Eye Mask

რეტინოლით მდიდარი ფორმულა ეფექტურად ებრძვის თვალის გარშემო ნაოჭების, მუქ წრეებისა და ჰიპერპიგმენტაციის წარმოქმნას. ჰიალურონის მჟავისა და იარუსის ექსტრაქტის შემცველობით ხანგრძლივად ნარჩუნდება თვალის უპეების ტენიანობაც, რაც არასასურველი დაღლილი იერისაგან იცავს ჩვენს სახეს.

Estée Lauder Advanced Night Repair Concentrated Recovery Eye Mask

Estée Lauder თვალის უპეების სიჯანსაღისა და გამოცოცხლებისათვის რევოლუციურ ტექნოლოგიას მიმართავს. პროდუქტის ოფიციალური ანოტაციის მიხედვით, სულ რაღაც 10 წუთში თვალებს გაცილებით უფრო დასვენებული, დამშვიდებული და გაჯანსაღებული ვიზუალი აქვთ. 

Snail Bee Ultimate Hydrogel Eye Patch

 ახალი ამბავი სულაც არ არის, რომ კანის მოვლის ინდუსტრიაში ერთ-ერთი სასურველი ინგრედიენტი ლოკოკინას ექსტრაქტია. ეს პროდუქტი გაჟღენთილია ზღვის მცენარეებით, რომელთა სასარგებლო თვისებებიც ხელს უწყობს თვალის გარშემო უპეების გაღიავებას, დატენიანებასა და ნაოჭების პრევენციას. ხოლო მთავარი ინგრედიენტი, როგორც ვახსენეთ, სწორედ ლოკოკინას ექსტრაქტია, რომელსაც როგორ უცნაურადაც უნდა ჟღერდეს, თან ერთვის ფუტკრის შხამი, ასევე ჩაის ხის ფოთლის წყალი და ზღვის მცენარეების აქტიური ინგრედიენტები. ისინი აძლიერებენ კანის სტრუქტურას და თვალის გარშემო არსებულ სუსტ არეს გარემო პირობების მავნე ზემოქმედებისაგან იცავენ.

Le Lift Firming Anti-Wrinkle Flash Eye Revitalizer

Chanel-ის თვალის გარშემო კანის მოვლის პროდუქტი გამოყენების 2 ეტაპს მოიცავს: პირველ ეტაპზე ხდება ე.წ. როლერიანი შრატის გამოყენება, რაც კანის მასაჟსა და დამშვიდებას უწყობს ხელს, ხოლო მეორე ეტაპზე თვალის ქვეშ თავსდება პაჩები. ლეგენდარული მოდის სახლის კანის მოვლის ლაბორატორიაში შეიმუშავეს ექსკლუზიური ნაერთი, რომელიც 50-ჯერ უფრო მეტად კონცენტრირებულია და აუმჯობესებს კანის ტონს, აუმჯობესებს მის ტონუსსა და ელასტიკურობას, ასევე ხელს უშლის თვალის გარშემო ნაოჭების წარმოქმნის პროცესს. პროდუქტის გამოყენებისთანავე მცირდება დაღლილობის, უძილობისა თუ სხვა ფაქტორების მიერ წარმოქმნილი ნიშნები თვალის გარშემო.

Peter Thomas Roth Water Drench Hyaluronic Cloud Hydra-Gel Eye Patches

Peter Thomas-ის თვალის გელ პაჩების მთავარი მახასიათებელი ჰიალურონის მჟავის დიდი რაოდენობით შემცველობაა. ინგრედიენტი ღრმად და ხანგრძლივად ატენიანებს თვალის კონტურს, რაც ხელს უშლის სიშავისა და ნაოჭების წარმოქმნას. კოლაგენი, კერამიდები და მარშმელოუს ფესვის ექსტრაქტი, ნაოჭებისა და წვრილი ხაზების წარმოქმნის პროცესს კიდევ უფრო მეტად ასუსტებს. ამასთან ერთად კოფეინი თვალებს გამოძინებულ, დასვენებულ და გამოცოცხლებულ იერს სძენს.

No.7 Radiance+ Illuminating Eye Masks 

ჰიდროგელის ნიღბების მრავალფუნქციური მაგიის დახმარებით No.7-ის თვალის ნიღბის გამოყენებით მყისიერად ქრება შეშუპება, სიშავე და დაღლილობის ყველა სხვა ნიშანი. იგი თვალის უპეებს უფრო კაშკაშასა და გამონათებულს ხდის. კანს აღდგენაში ეხმარება C ვიტამინის შემცველობაც, ანტიოქსიდანტი C ვიტამინის ურთიერთქმედებით დაღლილ თვალებს გამოაღვიძებს.

Mary Kay Hydrogel Eye Patches

ეს ვარდისფერი, მბრწყინავი პაჩები თვალის კონტურსაც ანალოგიურ ბრწყინვალებასა და სიკაშკაშეს ჰპირდება. მთავარი ინგრედიენტის, გლიცერინის დახმარებით იგი მყისიერად აღადგენს დაღლილ, ჩაშავებულ და შეშუპებულ თვალის უპეებს. მისი გამოყენებით, კვირაში 2-ჯერაც კი, სასურველი შედეგის მიღწევა სრულიად შესაძლებელია.

 Wander Beauty-ს თვალის ნიღბები შესამჩნევად ატენიანებს, ამშვიდებს და ამცირებს შეშუპებას. ამასთან, ამცირებს ნაოჭებისა და წვრილი ხაზების წარმოქმნის რისკს. პაჩებს 3 ინოვაციური შრატის ფენა აქვს, რომელიც შრატს კანში ღრმად შეღწევის საშუალებას აძლევს. ღრმად დატენიანების შემდეგ კანი მაკიაჟისთვისაც მზად არის.

Shiseido Benefiance WrinkleResist24 Pure Retinol Express Smoothing Eye Mask

თუ მთავარი პრობლემა თვალის გარშემო დაბერების ნიშნების წარმოქმნაა, იაპონური ტექნოლოგიით შექმნილი Shiseido-ს პაჩები იდეალურად ებრძვის ასაკობრივ ნიშნებს. რეტინოლს, A ვიტამინის ფორმას, WrinkleResist 24-ის ტექნოლოგიით კანზე ნაოჭები მხოლოდ ერთი გამოყენების შემდეგაც თვალსაჩინოდ ქრება. ამასთან ერთად, მისი გამოყენება პირის გარშემო წარმოქმნილი ნაოჭების გასაქრობადაც შეიძლება. 

Patchology FlashPatch™ Eye Gels

კოლაგენის შემცველი კანის გამაახალგაზრდავებელი თვალის პაჩები აჩქარებს კოფეინისა და ჰიდროლიზებული კოლაგენის მიწოდებას, რაც თვალის კონტურის გამოცოცხლებას უწყობს ხელს. პროდუქტი გაჟღენთილია ისეთი აქტიური ინგრედიენტებით, როგორიც არის ჰიალურონის მჟავა და პეპტიდები. გამოყენების შემდეგ კანი შესამჩნევად გლუვი, კაშკაშა და გაჯანსაღებული ხდება.