Becoming Karl Lagerfeld - სერიალი ლეგენდარული დიზაინერის - კარლ ლაგერფელდის მოდის სამყაროში მწვერვალზე ასვლის გზას მიჰყვება და მისი ცხოვრების სხვადასხვა ეტაპსა და წარმატებაზე მოგვითხრობს. Gaumont, Jour Premier-თან ერთად Disney+-ისთვის 7 ივნისს ექვსნაწილიან ბიოგრაფიულ სერიალს გამოუშვებს, პრემიერა კი აპრილში Canneseries TV ფესტივალზე გაიმართება.
გერმანელი მოდის დიზაინერის როლში Daniel Brühl-ს ვიხილავთ, რომელიც ცნობილია ფილმებით - ,,Good Bye, Lenin!,” ,,Rush” და ,,Marvel”-ის კინემატოგრაფიულ სამყაროში ჰელმუტ ზემოს როლით. ახალ ტრეილერში უკვე კარგად ჩანს Brühl-ის ტრანსფორმაცია და გარდასახვა ,,მოდის იმპერატორად’’.
სერიალი არის რაფაელ ბაკეს ბესტსელერის, "Kaiser Karl"-ის ადაპტაცია. თითოეული სერია და ეპიზოდი ლაგერფელდის წარმატების გზას დასაწყისიდან - 1972 წლიდან გვიყვება, როდესაც იგი ჯერ კიდევ უცნობი, ტანსაცმლის დიზაინერი იყო და პარიზში ჩასული გერმანელი ბიჭი მოდის ერთ-ერთი ყველაზე საკულტო ფიგურა გახდა. ასევე, ვნახავთ დიზაინერის შეხვედრას წლების კომპანიონთან - ჟაკ დე ბაშერთან, რომელსაც თეოდორ პალერინი თამაშობს, ასევე კარლის მეგობრობასა და მეტოქეობას ივ სენ ლორანთან (როლში - არნო ვალუა).
ფოტოების წყარო: Vogue
დაწერე კომენტარი