ბრაზილიელი ავტომრბოლელი, ფორმულა 1-ის სამგზის ჩემპიონი აირტონ სენა დღემდე ყველა დროის ერთ-ერთ საუკეთესო პილოტად მოიხსენიება, მისი გარდაცვალებიდან 30 წლის შემდეგაც სენას უამრავი ერთგული გულშემატკივარი ჰყავს და დღესაც ბევრი ადამიანისთვის შთაგონების წყაროა, მათ შორის მისი ჩაცმულობით, რადგან სენა ნამდვილად გამოირჩეოდა გემოვნებიანი, დახვეწილი და დასამახსოვრებელი სტილით.
80-იანი წლებში და 90-იანი წლების დასაწყისში აირტონ სენა მისი სპორტული ცხოვრების ამსახველი სტილით მუდმივად ექცეოდა ყურადღების ცენტრში. სენა წარმოშობით ბრაზილიიდან, სან პაულოდან იყო, დროის დიდ ნაწილს კი წყალთან ახლოს, აუზის პირას ან ოკეანეში ატარებდა, სადაც ნავით სასეირნოდ გადიოდა და ძალიან ხშირად პოლოს მაისურებს ატარებდა, რომლებიც სხვადასხვა, ნათელ და ხალისიან ფერებში იყო გადაწყვეტილი.
სენას სტილში მუდმივად შეინიშნებოდა ზოლებიანი, განსაკუთრებით კი ლურჯი და ცისფერი ზოლებით გაფორმებული პერანგები. მისი ჩაცმულობის მნიშვნელოვანი ნაწილი იყო მრბოლელის ფავორიტი ლუქი - ლურჯი ჯინსები და თეთრი სპორტული ფეხსაცმელები, ამ კომბინაციას იგი თითქმის ყველაზე ხშირად იყენებდა, მინიმალისტური და დახვეწილი სტილი კი ათწლეულების განმავლობაში ინარჩუნებს აქტუალობას.
სენას საყვარელ აქსესუარად სათვალე ითვლება, რომელსაც როგორც ტრასაზე, ისე ყოველდღიურ ცხოვრებაში მუდმივად იყენებდა და მისი სათვალის სხვადასხვა მოდელები ყოველთვის იქცევდა ყურადღებას. რაც შეეხება ფერებს, სენა შესაძლოა ყველაზე მეტად მისი ჩაფხუტის ყვითელ და მწვანე ფერებთან ასოცირდებოდეს, თუმცა იგი ძალიან ხშირად ჩნდებოდა ერთი ფერის, მონოქრომული სამოსით, განსაკუთრებით კი შავი და თეთრი ფერებით. 
ფოტოს წყარო: GQ, Gentleman's Journal, Motorsport Images, Tumblr
დაწერე კომენტარი