ქართველმა შეფმზარეულმა თეკუნა გაჩეჩილაძემ დუბაიში გამართულ ღონისძიებაზე - Best Chef Awards 2024-ზე მნიშვნელოვანი ჯილდო მიიღო და მსოფლიოს საუკეთესო შეფმზარეულებს შორის დასახელდა. Best Chef Awards, რომელსაც წელს, 4-6 ნოემბერს დუბაიში მდებარე სასტუმრომ Atlantis The Palm-მამ უმასპინძლა, ყოველწლიური საერთაშორისო ღონისძიებაა და მსოფლიოს სხვადასხვა კუთხიდან საუკეთესო შეფმზარეულების მიღწევებისა და მათი წვლილის აღიარებას ისახავს მიზნად. წლევანდელ  ღონისძიებას მსოფლიოს  61 ქვეყნიდან 550 შეფმზარეული ესწრებოდა.

IMG_5554.jpeg 126.79 KB
IMG_5556.jpeg 46.65 KB

თეკუნა გაჩეჩილაძე მრავალი წარმატებული პროექტის და სარესტორნო ბრენდის ავტორია, მან ღონისძიებაზე ერთ-ერთი ყველაზე გამორჩეული პროექტი - Cafe Littera წარადგინა. თბილისში, მწერალთა სახლის ეზოში მდებარე კაფე  ტრადიციული ქართული გემოებითა და თანამედროვე ინტერპრეტაციების შერწყმით, საავტორო და ორიგინალურ კერძებს აერთიანებს.