პარიზში, ცნობილ კონცეპტუალურ მაღაზია Dover Street Market-ში, იაპონური მოდის სახლი - Come des Garcons ახალ ინსტალაციას წარმოადგენს, რომელიც ქართველი მხატვრის, ნიკო ფიროსმანის შემოქმედებას ეხმიანება, სტუმრები მის დათვალიერებას 13 დეკემბრიდან შეძლებენ. საფრანგეთში საქართველოს საელჩოსთან და Fountain Digital Labs-თან თანამშრომლობით წარმოდგენილი იქნება ინსტალაცია და თენგიზ მირზაშვილისა და არკადი ტროიანკერის წიგნის გამოცემა  - "ნიკო ფიროსმანაშვილი: ცხოვრებისა და შემოქმედების ნარკვევი", რომელიც აერთიანებს მხატვრის საარქივო დოკუმენტებსა და ნამუშევრებს. ამასთანავე, გაიმართება ანსამბლ “მარანის” გუნდის შესრულება და სტუმრები ქართული ტრადიციული კერძებისა და ღვინის დაგემოვნებას შეძლებენ. 

IMG_7757.jpeg 806.67 KB
მოდის სახლ Come des Garcons-ისა და მისი დამაარსებლის, რეი კავაკუბოს ნიკო ფიროსმანის შემოქმედებისადმი ინტერესი და სიყვარული წლების წინ გაუჩნდა - 1989 წელს დიზაინერი კახეთს სტუმრობდა და ფიროსმანის შთაგონებით ფოტოგრაფ ბრაიან გრიფინთან ერთად გადაღება მოაწყო. ახალი წამოწყებით და პარიზში დაგეგმილი გამოფენით მოდის სახლი კიდევ ერთხელ ხაზს უსვამს ქართველი მხატვრის მრავალფეროვანი შემოქმედებისადმი ინტერესს.



ფოტოს წყარო: Dover Street Market Paris