იტალიური მოდის სახლი Miu Miu 2025 წლის გაზაფხული-ზაფხულის ახალ კამპანიას წარმოადგენს, რომლის მთავარი სახე ჯიჯი ჰადიდია, კამპანიის ფარგლებში მოდელი სტივენ მეიზელმა გადაიღო და ბრენდმა მხატვრული, მე-20 საუკუნის პორტრეტებით შთაგონებული ფოტოები გამოაქვეყნა. მოდა მუდმივ კავშირშია ხელოვნებასთან და სხვადასხვა ბრენდის კამპანიებში მხატვრულ ელემენტებს ხშირად ვხვდებით, თუმცა Miu Miu-ს უახლესი კამპანია სრულ აქცენტს აკეთებს სახვით ხელოვნებაზე - ჯიჯი ჰადიდის პორტრეტები ატარებს ფუნჯის მსგავს ტექსტურასა და ხავერდოვან მოტივებს, ფოტოების პასტელური ფონები, სპეციალურად შერჩეული დეტალები ქმნის ძველი ჰოლივუდის ესთეტიკას, რომელიც ერწყმის სიურრეალიზმს.

IMG_0319.jpeg 499.27 KB
IMG_0317.jpeg 562.64 KB

ვინტაჟური პორტრეტებით შთაგონებული Miu Miu-ს კამპანია აქცენტს აკეთებს ბრენდის ტრენდული Matelassé-ის ჩანთების ახალ კოლექციაზე, მათ შორის მოდელებზე - Wander-სა და Arcadie-ზე. Matelassé ჩანთები წარმოადგენს თანამედროვე ხელობისა და ბრენდის საკულტო დიზაინის სინთეზსა და ელეგანტურ სტილს. კამპანიის ხელმძღვანელი მოდის სახლის კრეატიული დირექტორი მიუჩია პრადაა. დიზაინერმა ჯიჯი ჰადიდთან თანამშრომლობა 2023 წელს დაიწყო და მას შემდეგ ჰადიდმა მესამედ წარადგინა იტალიური მოდის სახლის კოლექცია.

ფოტო: სტევენ მეიზელი, Miu Miu