კალიფორნიაში მდებარე გამორჩეული არქიტექტურის მქონე Wave House, რომელიც 1955 წელს ხელოვან მაილზ ბეიტსისთვის აშენდა, წარმოადგენს ახალ კოლაბორაციას Design Within Reach-სა და Boutique-ს შორის, რომლის ფარგლებშიც სახლში განთავსებულია ბრიტანელი დიზაინერის, Paul Smith-ის ხედვით შექმნილი ექსკლუზიური ავეჯი. ავეჯის ხაზი აღნიშნავს დიზაინერის ხანგრძლივ თანამშრომლობას Maharam-თან - ტექსტილის კომპანიასთან, რომელთან ერთადაც შეიქმნა შიდა და გარე ავეჯის დახვეწილი კოლექცია სხვადასხვა ქსოვილითა და დიზაინით.
კოლექცია აერთიანებს სკამებსა და სავარძლებს, მათ შორის - კლასიკური ავეჯის წამყვანი ბრენდების, Knoll-ისა და Herman Miller-ის მნიშვნელოვან ნამუშევრებს, შუა საუკუნის საკულტო ავეჯს, სავარძლებს, სახელწოდებით Eames Molded Plastic Side Chair და Eero Saarinen's Womb Chair, DWR-ის ორიგინალურ დიზაინერულ ობიექტებთან ერთად, თითოეული გაფორმებულია Paul Smith-ის და Maharam-ის ნიმუშებით. დიზაინერი მრავალი წელია თანამშრომლობს ტექსტილის კომპანიასთან და ისინი ერთობლივად ქმნიან ქსოვილების კოლექციებს, რომელიც წარმოადგენს Paul Smith-ის ინტერესსა და სიყვარულს მრავალფეროვანი პალიტრის, პრინტებისა და დამახასიათებელი დიზაინის მიმართ.
დაწერე კომენტარი