Cowboy Carter-ის საკონცერტო ტურნეს ფარგლებში ბიონსემ ქართველი დიზაინერის, დავით კომახიძის შექმნილი კოსტიუმი მოირგო. წლევანდელი შოუ მსოფლიოს სხვადასხვა ქალაქში გაიმართა, ბოლო კონცერტზე, რომელიც ჰიუსტონში ჩატარდა, ამერიკელი მუსიკოსი David Koma-ს წითელი კაბით გამოჩნდა, რომელსაც კოსტიუმზე ამოჭრილი ვარსკვლავის დეტალი, გრძელი თასმები და ტყავის ჩექმები ამშვენებდა. აღსანიშნავია, რომ ეს პირველი შემთხვევა არ არის და David Koma-ს სამოსი ბიონსემ თავის მუსიკალურ საღამოზე აქამდეც მოირგო. გარდა ამისა, მიმდინარე ტურნეზე ბიონსეს ეცვა სხვა ისეთი მოდის სახლების მიერ შექმნილი სამოსი, როგორებიც არიან - Dolce & Gabbana, Vivienne Westwood, Mugler, Versace, Off White, Ralph Lauren, Alexander McQueen, Roberto Cavalli, Loewe და Burberry.
ტურნეს ფარგლებში ცნობილი წამყვანი მოდის სახლები სპეციალურად ქმნიან დეტალებითა და დიზაინით გამორჩეულ უნიკალურ სამოსს. მუსიკალურ სანახაობასთან, შოუს ვიზუალურ გაფორმებასა და ქორეოგრაფიასთან ერთად, ტურნეს შთამბეჭდავ ხასიათს სწორედ საგულდაგულოდ შერჩეული სამოსი ანიჭებს და შოუებს მოდისა და დიზაინის ზეიმად აქცევს.
ფოტო: David Koma
დაწერე კომენტარი