ბეიჯინგში, Shunyi-ის დასახლებაში მდებარე გალერეა White Space-ში 8 ნოემბერს ვაჟიკო ჩაჩხიანის მეორე პერსონალური გამოფენა "Agape" გაიხსნა, რომელიც 2026 წლის 10 იანვრამდე გაგრძელდება. გამოფენაზე წარმოდგენილია ხელოვანის ცნობილი ინსტალაციის - "ცოცხალი ძაღლი მკვდარ ლომებს შორის" ახალი ვერსია და სკულპტურების სერია. ჩაჩხიანის ინსტალაცია თავდაპირველად წარმოდგენილი იყო 2017 წელს ვენეციის 57-ე ბიენალეზე. ნამუშევარი ადამიანისა და ბუნების ურთიერთგავლენის, გარემო ძალების ზემოქმედების შესახებ მარადიულ კითხვას ეხმიანება და ხელოვნებას სოციალურ-ანთროპოლოგიურ ჭრილში განიხილავს.
მასალების პოეტური ენის საშუალებით გამოფენა იკვლევს ცხოვრების, მეხსიერების და ტრავმის დიალექტიკას. სიტყვა „აგაპე“ ძველი ბერძნული წარმოშობისაა და უანგარო სიყვარულის უმაღლეს ფორმას აღნიშნავს. როგორც გამოფენის სათაური, ის აყალიბებს ნარატივს ინდივიდუალური და კოლექტიური ფსიქოლოგიური მდგომარეობის შესახებ. გამოფენის მთავარი ნაწილია ჩაჩხიანის წვიმის სახლი - დაუსახლებელი სივრცე, რომელიც სავსეა სიცოცხლის კვალით. სახლში უსასრულოდ წვიმს მკრთალი, თბილი შუქის ქვეშ, ბუნების ზემოქმედებით ავეჯი და საყოფაცხოვრებო ნივთები დეფორმირდება, სახეს იცვლის ან საერთოდ ქრება, სახლის ექსტერიერი კი უცვლელი რჩება.
ფოტო: White Space
გამოქვეყნების თარიღი:
18 ნოემბერი, 2025
დაწერე კომენტარი