ქალაქ სეულში, Seongdong-gu-ში, ფრანგულმა მოდის სახლმა Ami Paris-მა, კორეელ მსახიობ Woo Shik-თან კოლაბორაციით, ახალი პოპ-აპი, ვინტაჟური კინოთეატრის სივრცე შექმნა, რომელიც მოდასა და კინემატოგრაფიას აერთიანებს და სტუმრებს საინტერესო გამოცდილებას სთავაზობს. კინოთეატრის ფასადს გარედან დიდი პოსტერი ამშვენებს, რომელიც მოკლემეტრაჟიან ფილმს - ‘’The Silence Between Us’’ წარმოადგენს. ფილმი Ami Paris-ისა და ბრენდის, ამბასადორის Choi Woo Shik-ის ერთობლივ კოლექციას აღნიშნავს.
დროებითი სივრცე ვიზიტორებს 5 აპრილამდე უმასპინძლებს, კლასიკური კინოს პატივისცემით შექმნილ სივრცეში Ami x Woo Shik ექსკლუზიური კოლექციაა წარმოდგენილი, რომელიც პარიზული ესთეტიკის და მსახიობის სტილის შერწყმას წარმოადგენს. კოლაბორაციული კაფსულ-კოლექცია აერთიანებს მოსაცმელებს, შარვლებს, პერანგებს, სხვადასხვა სტილის მაისურებსა და ქუდებს, სამოსის უმეტესობა მუქ მწვანე ფერშია გადაწყვეტილი.
კინოთეატრის პოპ-აპ სივრცის მთავარი შთაგონება Woo Shik-ისა და მოდის სახლის დამფუძნებლის - ალექსანდრე მატიუსის კინოსადმი ერთობლივი ინტერესი და გატაცება აღმოჩნდა, შედეგად შეიქმნა დეტალებზე ორიენტირებული კინემატოგრაფიული ატმოსფერო ექსკლუზიური კოლექციით, რის გამოც სივრცე საინტერესოა როგორც მოდის, ისე კინოს მოყვარულებისთვის.
დაწერე კომენტარი