ყოველწლიური მულტიდისციპლინური სიმპოზიუმი Prada Frames ბრუნდება მილანში 2025 წლის Salone del Mobile-ზე, მეოთხე გამოშვებით და თემით - In Transit, რომელიც ეხება დიზაინსა და გარემოს შორის დინამიკას. სიმპოზიუმი, რომელსაც იტალიური დიზაინის სტუდია Formafantasma კურირებს, სამდღიანი ფორუმით იკვლევს მობილობას, გლობალურ სადისტრიბუციო ქსელებს და თანამედროვე ტექნოლოგიებს დიზაინის ინდუსტრიაში. Prada Frames აერთიანებს მეცნიერებსა და პროფესიონალებს სხვადასხვა სფეროდან, მათ შორის - ანთროპოლოგებს, არქიტექტორებს, მეცნიერებს, აქტივისტებს, დიზაინერებს, კურატორებს და როგორც იურიდიულ, ისე ეკონომიკურ ექსპერტებს.
წლევანდელი სიმპოზიუმი ჩატარდება 6-13 აპრილს, Padiglione Reale-ზე - მილანის ცენტრალურ სადგურზე, 1950-იანი წლების აღდგენილ Arlecchino მატარებელზე, რომელიც თავდაპირველად შეიქმნა ჯიო პონტისა და ჯულიო მინოლეტის მიერ. Prada Frames-ის ახალი გამოშვება განიხილავს ინფრასტრუქტურებს არა მხოლოდ როგორც ფუნქციურ კომპონენტებს, არამედ როგორც დინამიკურ სისტემებს, რომლებიც აქტიურად აყალიბებენ თანამედროვე სოციალურ, ეკონომიკურ, კულტურულ ლანდშაფტს და მათ გავლენას ადამიანების, პროდუქტისა და მონაცემების ფორმირებაზე.
დაწერე კომენტარი