ტილდა სუინტონი Tom Ford-ის Black Orchid Reserve-ის კამპანიაში

ჰაიდერ აკერმანი Tom Ford-ის სუნამოს - Black Orchid Reserve-ის კამპანიის ფოტოებს და კადრს მიღმა გადაღებულ ფოტოებს აქვეყნებს, რომლის სახე ტილდა სუინტონია. აკერმანის შემოქმედებითი ხელმძღვანელობით, Inez და Vinoodh-ის მიერ აღბეჭდილი კამპანია სუინტონის კინემატოგრაფიულ პორტრეტებსა და კლიპებს აერთიანებს. სუინტონმა პირველად ითანამშრომლა Tom Ford-ის Beauty ხაზთან, ამ კოლაბორაციის აღსანიშნავი და სუნამოს პრეზენტაციისადმი მიძღვნილი საღამო ვენეციის 82-ე კინოფესტივალზე გაიმართა.

Tom Ford-ის ახალი სურნელი ბრენდის ლეგენდარული, 2006 წელს გამოშვებული Black Orchid სუნამოს ინტერპრეტაციას წარმოადგენს. Black Orchid Reserve-ის სურნელს მსოფლიოში ერთ-ერთი ყველაზე იშვიათი ყვავილის - Ghost Orchid-ის ნოტები განსაზღვრავს, რომელსაც ტონკას, შავი ტრიუფელის, ბერგამოტის და ილანგ-ილანგის ნოტები ემატება. Reserve ვერსია თავისი ექსკლუზიურობით, მაღალი ხარისხით და კლასიკურ არომატზე მეტად მდგრადი სურნელით გამოირჩევა.

სუინტონისთვის ეს თანამშრომლობა პირდაპირ კავშირშია იმ თემებთან, რომლებმაც მისი კარიერა განსაზღვრა. მისი ტრანსფორმაციული როლებითა და თამამი გადაწყვეტილებებით სავსე კარიერა Black Orchid Reserve-ის იშვიათობასა და ამბიციურ ხასიათს ეხმიანება, რაც სუინტონს სუნამოს ისტორიის ახალი თავის იდეალურ ხმად და სახედ აქცევს.