Dior 2027 წლის გაზაფხულის ახალ კამპანიას წარადგენს, რომლის მთავარი გმირი ამერიკელი მსახიობი დრიუ სტარკია. ჯონათან ანდერსონის შემოქმედებითი ხელმძღვანელობით შექმნილი კამპანია მოდის, ხელოვნებისა და კინოს საინტერესო დიალოგს გვთავაზობს.
ფოტოგრაფ სემ როკის ობიექტივში სტარკი ლოს-ანჯელესის ხელოვნების მუზეუმის, LACMA-ს სივრცეში გვევლინება, სადაც კლასიკური ფერწერა და თანამედროვე მამაკაცის გარდერობი ერთმანეთს ერწყმის. თავისუფალი სილუეტები, დახვეწილი შავი კოსტიუმები და გრაფიკული დეტალები ანდერსონისთვის დამახასიათებელ ხედვას გამოხატავს, რომელიც Dior-ის ისტორიულ მემკვიდრეობას თანამედროვე ინტერპრეტაციით აცოცხლებს.
კამპანიის ვიზუალურ იდენტობას ბენჟამენ ბრუნოს სტილისტიკა და პოპი ბარტლეტის სცენოგრაფია განსაზღვრავს. კლასიკური ელეგანტურობისა და ახალგაზრდული თავისუფლების შერწყმით Dior კიდევ ერთხელ უსვამს ხაზს მამაკაცის მოდის ახალ მიმართულებას, სადაც ტრადიცია ინდივიდუალურობასა და შემოქმედებით ექსპერიმენტს უთმობს სივრცეს.
დაწერე კომენტარი