კომოს ტბაზე არაერთი ისტორიული, დახვეწილი და ლამაზი ნაგებობაა, თუმცა მათ შორის ერთ-ერთი განსაკუთრებულია - Passalacqua Hotel, მე-18 საუკუნის ვილა ტბის პირას, რომელიც უნიკალურ სასტუმროდ გადაკეთდა და 2022 წლიდან მასპინძლობს სტუმრებს. ისტორიული სასტუმრო გამოირჩევა დახვეწილი დიზაინითა და ვინტაჟური დეტალებით.

In Passalacqua- A Love Letter to Lake Como, @dariareina’s intimate, warm photos and @andrea_fero (1).jpg 228.03 KB
Lake Como is a wonderful area to discover on foot. From gentle strolls along the lakeside and pi.jpg 253.57 KB
Passalacqua’s three moods- Villa, Palazz, Casa al Lago. Passalacqua’s single nature- a stylish r.jpg 186.3 KB

ნაგებობა, რომელიც მაქსიმალურად ინარჩუნებს პირვანდელ იერსახეს, დაპროექტდა და აშენდა მე-18 საუკუნის ბოლოს წამყვანი იტალიელი არქიტექტორის, კარლო ფელიჩე სოავეს მიერ, კომოს ერთ-ერთი დიდგვაროვანი ოჯახის შთამომავლისთვის. მას შემდეგ, რაც ვილას მფლობელი გრაფი ანდრეა ლუცინი-პასალაკუა 1890 წელს მემკვიდრის გარეშე გარდაიცვალა, შენობა რამდენჯერმე გაიყიდა და წლების განმავლობაში სხვადასხვა მეპატრონე ჰყავდა. საბოლოოდ კი, 2018 წელს, ვილა Passalacqua კომოს ტბის ადგილობრივმა მცხოვრებლებმა და ცნობილი Grand Hotel Tremezzo-ს მფლობელებმა - დე სანტისებმა შეიძინეს. სამწლიანი რესტავრაციის შემდეგ, Passalacqua Hotel 2022 წლის ივნისში გაიხსნა. 

Descending on a series of terraces around a sinuous central axis rich in water features, the gar.jpg 349.62 KB
Back in the day, they knew that pools made for swimmers could also look stylish. Set on a garden.jpg 250.36 KB
In Passalacqua- A Love Letter to Lake Como, @dariareina’s intimate, warm photos and @andrea_fero (4).jpg 147.08 KB

სასტუმრო აერთიანებს 24 ლუქს ნომერს, რომლებიც სამ განსხვავებულ შენობაშია განლაგებული. The Villa, The Palazz, The Casa al Lago - ასე ჰქვია სასტუმროს უნიკალურ შენობებს, რომლებიც სავსეა ძვირფასი ანტიკვარიატითა და უძველესი, საუკუნოვანი ნივთებით. სივრცეები გაფორმებულია ოცზე მეტი სხვადასხვა სახის მარმარილოთი, ვენეციური ტერაზოს იატაკით, იტალიური ორიგინალური ფრესკებით, მოჩუქურთმებული ჭერით, ძვირფასი ქსოვილებითა და ჭაღებით. სასტუმროში ხელოვნების ნიმუშების და ანტიკვარიატის უმეტესობას დე სანტისის ოჯახი წლების განმავლობაში აგროვებდა. 

More than twenty different varieties of precious marble, from Verona, Carrara and further afield.jpg 179.08 KB
Nothing can equal the experience of being out on the waters of Lake Como. As you skim across its.jpg 245.52 KB
Passalacqua opens today for the 2024 season. But we haven’t been idle over the winter break. Rig.jpg 248.43 KB

გამორჩეული არქიტექტურისა და ინტერიერის დიზაინის სასტუმროს კიდევ ერთი განსაკუთრებული ნაწილია მე-18 საუკუნეში გაშენებული ბაღი, რომელიც სავსეა ზეთისხილის კორომებით, კვიპაროსებით, კედრებით, დევიდ ოსტინის ვარდებითა და მაგნოლიებით, აქვეა ბოსტნეულის და ხილის ბაღიც, რომელშიც Passalacqua-ს რესტორნის ორგანული ინგრედიენტები მოჰყავთ. გამორჩეულია სასტუმროს სპას დიზაინი - სვეტები, თაღოვანი ჭერი, მაროკოული სანათები და რატანის სკამები. კომფორტსა და სიმშვიდეზე ორიენტირებული სივრცეები აერთიანებს საუნას, სხვადასხვა ტიპის აბანოებს და არაერთ გამაჯანსაღებელ და სარელაქსაციო პროცედურას. 


ფოტო: Passalacqua Hotel, Condé Nast