შემოდგომის ბაკურიანი - მშვიდი დღეები Dialog Kokhta-ში

ბაკურიანზე ფიქრისას პირველი ასოციაცია ალბათ  თოვლიანი ფერდობები და ზამთრის სპორტია. თუმცა მთის კურორტს სეზონებს შორის კიდევ ერთი, გაცილებით მშვიდი ხასიათი აქვს - შემოდგომა, როცა ბუნება ფერს იცვლის, ჰაერი განსაკუთრებით სუფთაა და ბაკურიანში რამდენიმე დღის გატარება გარემოს შეცვლის კარგ მიზეზად იქცევა.

ამ პერიოდში აქ ყველაფერი თითქოს ნელდება. დილა შეიძლება აივანზე ყავით დაიწყოს, დღის მთავარი გეგმა კი უბრალოდ სეირნობა იყოს. კოხტას მთის გარშემო შემოდგომის ფერები, სუფთა ჰაერი და ნაკლები ხმაური ქმნის იმ გარემოს, სადაც დასვენებისთვის ბევრი აქტივობის დაგეგმვა სულაც არ არის საჭირო. ზოგჯერ საკმარისია ბუნებაში გასვლა, ფოტოების გადაღება, წიგნის კითხვა ან რამდენიმე საათით არაფრის კეთება.

ამ გამოცდილების გაგრძელებაა Dialog Kokhta Bakuriani - კოხტას მთასთან, სასრიალო ტრასიდან დაახლოებით 300 მეტრში მდებარე სასტუმრო, რომელიც სხვადასხვა ტიპის მოგზაურისთვის გემოვნებას პასუხობს: იქნება ეს წყვილის რამდენიმე მშვიდი დღე, მეგობრებთან ერთად გასვლა ქალაქიდან თუ ოჯახური დასვენება.

Dialog Kokhta-ს ერთ-ერთი მთავარი თავისებურება სასტუმროს მომსახურებისა და აპარტამენტის კომფორტის კომბინაციაა. სტუდიოები და ორ-საძინებლიანი აპარტამენტები აღჭურვილია სამზარეულოთი და საჭირო ტექნიკით. ყოველდღიური დალაგება და 24-საათიანი მიმღები კი იმ დეტალებს ამარტივებს, რომლებიც რამდენიმე დღით სახლში ყოფნისგან განსხვავებულ და კომფორტულ რეჟიმს ქმნის.

დღის რომელიმე მონაკვეთში შეგიძლიათ რესტორან “მარილს” ესტუმროთ - ქართული და საერთაშორისო სამზარეულოს კერძებისთვის ან, უბრალოდ, სასტუმროს ტერასას,  სადაც ყავა, წიგნი და ხანგრძლივი საუბარი დღის საკმარისი პროგრამაა. სწორედ ასეთი პატარა პაუზები ქმნის შემოდგომის დასვენების რიტმს - როდესაც არსად გეჩქარება და დღის განმავლობაში არაფრის გაკეთებაც სრულფასოვანი გეგმაა.

ბაკურიანის აღმოჩენა ამ სეზონზე განსაკუთრებით მარტივი სიამოვნებებით შეიძლება. მშვიდი სეირნობა, ტყის ბილიკებზე გასვლა, ფერების ძებნა ფოტოებისთვის, ამინდის მიხედვით პატარა პიკნიკი ან უბრალოდ ბუნებაში რამდენიმე საათის გატარება - აქტივობები, რომლებიც დიდ ორგანიზებას არ მოითხოვს და სწორედ ამიტომ ტოვებს დროს დასვენებისთვის. ოჯახებისთვის სასტუმროში ბავშვების სათამაშო სივრცეც არის, რაც დღის კიდევ ერთ ბუნებრივ ნაწილად შეიძლება იქცეს.

ბაკურიანი ოთხივე სეზონის მიმართულებაა, თუმცა თითოეულ სეზონს აქ საკუთარი ხასიათი აქვს. ზამთარი თოვლსა და სრიალს ეკუთვნის, ზაფხული - მთის ჰაერსა და ბუნებაში ხანგრძლივ დღეებს, შემოდგომა კი ქალაქიდან რამდენიმე დღით გასვლას, ფერად პეიზაჟებსა და უფრო ნელ რიტმს.

სწორედ ამიტომ, თუ დასვენებაში ზოგჯერ უბრალოდ გარემოს შეცვლას და საკუთარ ტემპთან დაბრუნებას ეძებთ, შემოდგომის ბაკურიანი კარგი დროა ამისთვის. Dialog Kokhta კი ის ადგილია, სადაც ეს რამდენიმე დღე შეიძლება ერთდროულად მშვიდი, კომფორტული და დაუვიწყარი გახდეს.